Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Այցելություն Արթիկի թիվ 1 մանկապարտեզ

11.01.2024

 Արթիկ այցելության շրջանակներում Շիրակի մարզպետ Մուշեղ Մուրադյանն Արթիկ համայնքի ղեկավար Անան Ոսկանյանի ու աշխատակազմի պատասխանատուների հետ հետևել է նաև Արթիկի թիվ 1 մանկապարտեզի շենքի շինարարական աշխատանքների ընթացքին։
«Նախադպրոցական հաստատությունների կառուցում, վերակառուցում/նորոգում» սուբվենցիոն ծրագրի շրջանակներում կառուցվող մանկապարտեզը նախատեսված է 140 երեխայի համար, ունենալու է 6 խումբ։ ՀՀ կառավարությունը տրամադրելու է գումարի 75 տոկոսը:
Մարզպետը շրջել է տարածքում, շինարարի հետ զրույցում նկատառումները նշել և ընդգծել, որ հաշվի պետք է առնվի յուրաքանչյուր հարց և անգամ փոքր թերացումները պետք է արագ շտկվեն։
«ՀՀ կառավարություն-համայնքներ համագործակցությամբ Շիրակի մարզում ճանապարհներ, մանկապարտեզներ, համայնքային կենտրոններ, ջրագծեր ու ոռոգման համակարգեր են կառուցվում, նորոգվում ու հիմնանորոգվում են տարբեր հաստատություններ ու տանիքներ, այսպիսի համագործակցությունն ու պետական աջակցությամբ ծրագրերի իրականացումը մեր համայնքների համար ամենամեծ օգնությունն է, մեզ մնում է ջանք ու եռանդ չխնայել այդ ծրագրերը ժամանակին ու անխնդիր իրականացնելու համար»,- նշել է մարզպետը։

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-04-18 17:54:46