Շիրակի մարզպետի աշխատակազմ

 Շիրակի մարզպետի հանձնարարությամբ մարզպետի տեղակալ Աննա Մարտիկյանն ու աշխատակազմի պատասխանատուները շարունակում են այցելել աշխատակազմի ենթակայության բուժհաստատություններ։
Հերթական շրջայցի առաջին կանգառը «Պեմզաշենի առողջության կենտրոնում» է եղել, որը սպասարկում է Պեմզաշեն, Լեռնակերտ, Տուֆաշեն, Հայկասար բնակավայրերի 5147 քաղաքացու, այնուհետև դիտարկվել է «Արթիկի բժշկական կենտրոնը», որն ունի 7 նեղ մասնագիտական կաբինետներ` քիթ-կոկորդ-ականջաբանական, նյարդաբանական, սրտաբանական, վիրաբուժական, ակնաբուժական, ինֆեկցիոն, էնդոկրինոլոգիական և 4 դիսպանսեր կաբինետներ` հոգեբուժական, մաշկավեներաբանական, ուռուցքաբանական, հակատուբերկուլյոզային:
Այնուհետև այցելություն է եղել «Արթիկի մոր և մանկան առողջության պահպանման կենտրոն», որն իրականացնում է տարածաշրջանի ծննդատնային և մանկական հիվանդությունների հիվանդանոցային բուժօգնությունը և ամբուլատոր՝ կանանց կոնսուլտացիայի գործունեությունը։ Դիտարկվել են նաև Մեծ Մանթաշի, Փանիկի և Հոռոմի բժշկական ամբուլատորիաները։
Բոլոր բուժհաստատություններում պատասխանատուները քննարկել են առաջիկա անելիքներն ու ծրագրերը՝ կարևորելով բուժսպասարկման որակի ապահովումն ու թերացումների բացառումը։