Շիրակի մարզպետի աշխատակազմ

 Կառավարության այսօրվա որոշմամբ տրամադրված 50 մլն 106 հազար դրամն հատկացվելու է տնտեսական և սոցիալական ենթակառուցվածքների զարգացմանն ուղղված սուբվենցիոն 5 ծրագրերի համաֆինանսավորման համար։
22 մլն դրամ տրամադրվել է Ախուրյան համայնքի Ոսկեհասկ բնակավայրի կենտրոնական ճանապարհի և Ազատան բնակավայրի ներհամայնքային ճանապարհի ասֆալտապատման աշխատանքների /Ազատան/ պետության համամասնության վճարման համար։
21 մլն 665 հազար դրամ կուղղվի «Ախուրյան համայնքի Հովիտ, Բասեն և Երազգավորս բնակավայրերի ոռոգման ցանցերի հիմնանորոգման աշխատանքներ» /Երազգավորս/ ծրագրի համաֆինանսավորմանը։
5 մլն 639 հազար դրամ նախատեսվել է Ախուրյան համայնքի Բայանդուր բնակավայրի մանկապարտեզի շենքի կառուցման /2-րդ փուլ/ աշխատանքների կառավարության չափաբաժինն հատկացնելու նպատակով։
450 հազար դրամ կնախատեսվի Աշոցք համայնքի Աշոցք բնակավայրի 3-րդ փողոցի և Հարթաշեն բնակավայրի 1-ին փողոցի հիմնանորոգման աշխատանքների համաֆինանսավորմանը։
345 հազար դրամ կհատկացվի «Արթիկ համայնքի Սպանդարյան և Նոր Կյանք բնակավայրի ոռոգման համակարգերի կառուցում» ծրագրի մնացած հատվածի համաֆինանսավորման նպատակին։