Նորություններ
Մեկնարկել են «Հայաստանի Հանրապետության Վարչապետի գավաթ» սեղանի թենիսի սիրողական մրցաշարի Շիրակի մարզի համայնքային փուլերի մրցումները
04.04.2024
Շիրակի մարզի Ախուրյանի թիվ 1, Արթիկի թիվ 4 հիմնական ու Մարալիկի թիվ 2, Աշոցքի և Ամասիայի միջնակարգ դպրոցներում մեկնարկել են «Հայաստանի Հանրապետության Վարչապետի գավաթ» սեղանի թենիսի սիրողական մրցաշարի Շիրակի մարզի համայնքային փուլերի մրցումները։
Մրցաշարը անցկացվում է երկու տարիքային խմբերով՝ հանրակրթական դպրոցների և վարժարանների 5-9-րդ և 10-12-րդ դասարանների աշակերտներով համալրված թիմերի միջև։
Յուրաքանչյուր տարիքային խմբում թիմի կազմում ընդգրկված են 2-ական տղա և աղջիկ։ Մրցաշարում, ըստ տարիքային խմբերի, 1-ին, 2-րդ և 3-րդ տեղերը գրաված դպրոցների թիմերը իրավունք են ստանում մասնակցելու ապրիլի 17-18-ը Գյումրիում անցկացվելիք Շիրակի մարզային փուլի մրցումներին։