Շիրակի մարզպետի աշխատակազմ

 Շիրակի մարզպետ Մուշեղ Մուրադյանի հանձնարարությամբ մարզպետի աշխատակազմի պատասխանատուներն այսօր հերթական անգամ այցելել են Շիրակի մարզում բնակություն հաստատած Լեռնային Ղարաբաղից բռնի տեղահանված մի շարք ընտանիքների:
Պատասխանատուները սկզբում տեսակցել են Լանջիկ բնակավայրի նախկին մանկապարտեզի շենքում բնակություն հաստատած ընտանիքներին, լսել են նրանց մտահոգությունները, պատասխանել հետաքրքրող հարցերին։
Մարալիկի սոցիալական թաղամասում հաստատված ընտանիքների հետ զրույցում բարձրացվել են առողջապահական, աջակցության տրամադրման հետ կապված հարցեր։
Մարզպետի աշխատակազմի ներկայացուցիչները Լեռնային Ղարաբաղից բռնի տեղահանված ընտանիքներին հավաստիացրել են, որ ՀՀ կառավարության կողմից արվում է հնարավորը նրանց հոգսերի թեթևացման համար, կարճաժամկետ ու միջնաժամկետ ծրագրերից զատ, մշակվում են նաև երկարաժամկետ ծրագրեր, որոնց իրականացմամբ կլուծվեն նրանց առջև ծառացած խնդիրները։