Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շիրակի մարզպետ Մուշեղ Մուրադյանն Անի համայնքի ղեկավարի և աշխատակազմի պատասխանատուների հետ եղել է Անիպեմզա բնակավայրում
15.05.2024
Աշխատանքային այցի շրջանակներում Շիրակի մարզպետ Մուշեղ Մուրադյանն Անի համայնքի ղեկավարի և աշխատակազմի պատասխանատուների հետ եղել է Անիպեմզա բնակավայրում, մարզպետը նախ հետևել է պատմաճարտարապետական ու հոգևոր ամենաարժեքավոր կառույուցներից մեկի՝ Երերույքի տաճարի պահպանության աշխատանքներին, որոնք իրականացվում են ԱՄՆ դեսպանության «Մշակութային արժեքների պահպանության հիմնադրամի» ֆինանսավորմամբ։ Հիմնադրամը 175 հազար ԱՄՆ դոլար կոնսերվացման դրամաշնորհ է հատկացրել պատերի ամրացումների, քայքայված քարերի փոխարինման, ջրահեռացման համակարգի ապահովման, հուշարձանի տարածքի բարելավման և մոնումենտալ քարերի ցուցադրավայրի ձևավորման համար։
Շինարարը մարզպետին ներկայացրել է արդեն իրականացված աշխատանքներն ու առաջիկա անելիքները։
Այնուհետև մարզպետը համայնքի ղեկավարի հետ շրջայց է կատարել Անիպեմզայում, եղել բնակավայրի նախկին մշակույթի տանը։ Քննարկվել է մշակույթի տան վերականգնման և փոքրիկ թանգարանի ստեղծման հարցը, որոնց գիտանախագծային փաստաթղթերի կազմման և փորձաքնման համար նախորդ տարի ՀՀ կառավարությունը գումար է հատկացրել։
