Շիրակի մարզպետի աշխատակազմ

 Շիրակի մարզպետ Մուշեղ Մուրադյանի հանձնարարությամբ արտակարգ իրավիճակների մարզային հանձնաժողովի անդամներն ու մարզպետի աշխատակազմում նոր ձևավորված աշխատախումբը շրջում են մարզի ջրամբարների տարածքներում՝ առկա իրավիճակին ծանոթանալու նպատակով։
Մարզպետի տեղակալ Ալբերտ Այվազյանն Ախուրյան համայնքի ղեկավար Զավեն Մանուկյանի, մարզպետի աշխատակազմի և համայնքապետարանի պատասխանատուների հետ այսօր եղել են Կառնուտի ջրամբարում։
Ջրամբարի պատասխանատուների վստահեցմամբ, այսօրվա դրությամբ ջրամբարի լցվածության աստիճանը որևէ խնդիր չի առաջացնում, ջրամբարում 16,5 մլն խորանարդ մետր ջուր է կուտակվել, ջրի մուտքը ջրամբար կազմում է 2400 լիտր վայրկյանում։ Ջրամբարի ծավալը 22,6 մլն խորանարդ մետր է։ Ջրամբարը շահագործվում է ըստ կարգի ու առանց խնդիրների։ Կանխարգելիչ և արտակարգ ջրթողի կարիք ընդհանրապես չկա։ Որևէ խնդիր չկա նաև Վարդաքարի, Սառնաղբյուրի և Մանթաշի ջրամբարներում։ Այս ջրամբարներում այսօրվա տվյալներով համապատասխանաբար կուտակված է 1,63 մլն խմ, 0,78 մլն խմ և 3,7մլն խմ ջուր։