Շիրակի մարզպետի աշխատակազմ

 Շիրակի մարզպետ Մուշեղ Մուրադյանի անունից մարզպետի տեղակալ Աննա Մարտիկյանն այսօր Գյումրու բժշկական կենտրոնում պատվոգրեր է հանձնել մարզպետի աշխատակազմի ենթակայության բժշկական հաստատությունների մի շարք տնօրենների և աշխատակիցների։
Աննա Մարտիկյանը ներկաներին շնորհավորել է բուժաշխատողի օրվա առթիվ՝ կարևորելով բժշկի մասնագիտական բարձր պատրաստվածությունն ու բժիշկ կոչմանը հավատարիմ մնալը։
Բուժաշխատողները շնորհակալություն են հայտնել գնահատանքի համար՝ ընդգծելով, որ ցանկացած մասնագետի համար արժևորված ու կարևորված լինելը պարտավորեցնող ու պատվաբեր է, իսկ բժիշկի համար այն առավել քան կարևոր է։