Շիրակի մարզպետի աշխատակազմ

 Ֆինանսական աջակցության հարցեր, բնակարանային խնդիրներ, աշխատանքի տեղավորմանն ու մասնագիտական վերապատրաստումներին առնչվող հարցեր, առողջական, անձնական հիմնախնդիրներ․ Շիրակի մարզպետ Մուշեղ Մուրադյանի մոտ այսօր տեղի է ունեցել քաղաքացիների հերթական ընդունելությունը, որին մասնակցել են աշխատակազմի պատասխանատուները։
Մարզպետը լսել է բոլոր քաղաքացիներին, վստահեցրել, որ հնարավորությունների և լիազորությունների շրջանակում կանի հնարավորը նրանց աջակցելու համար։ Բարձրացված մի շարք հարցեր տեղում լուծում են ստացել, մի շարք խնդիրներ լուծելու նպատակով աշխատակազմի պատասխանատուները, մարզպետի հանձնարարականով, կզբաղվեն լրացուցիչ։