Շիրակի մարզպետի աշխատակազմ

 Շիրակի մարզի 60 համայնքային ծառայողներ մասնագիտական կարողությունների և հմտությունների կատարելագործման նպատակով՝ հուլիսի 8-18-ը Գյումրու և Ախուրյանի համայնքապետարաններում մասնակցել են հերթական վերապատրաստման դասընթացներին, որոնք իրականացվել են ՀՀ տարածքային կառավարման և ենթակառուցվածքների նախարարության, ՀՀ պետական կառավարման ակադեմիայի կողմից հաստատված ծրագրերին համապատասխան։
Շիրակի մարզպետ Մուշեղ Մուրադյանի հանձնարարությամբ դասընթացների կազմակերպման և պատշաճ անցկացման ամբողջ գործընթացը վերահսկվել է մարզպետի աշխատակազմի պատասխանատուների կողմից։
Վերապատրաստումների ծրագրում ընդգրկված են եղել տեղական ինքնակառավարման, համայնքային ծառայության, բյուջետավարման, զարգացման ծրագրերի կազմման և իրականացման, նորմատիվ իրավական ակտերի և պաշտոնական գրությունների նախագծերի պատշաճ կազմման, բնապահպանական ոլորտներին առնչվող թեմաներ։
Դասընթացներն անցել են ակտիվ քննարկումների, հարց ու պատասխանների, տեսական ու գործնական պարապմունքների միջոցով։
Նշենք, որ ընթացիկ տարում կվերապատրաստվեն ևս 40 համայնքային ծառայողներ` Արթիկի, Աշոցքի և Ամասիայի համայնքապետարաններից։