Շիրակի մարզպետի աշխատակազմ

 Շիրակի մարզպետ Մուշեղ Մուրադյանի հանձնարարությամբ աշխատակազմի պատասխանատուները մարզպետի տեղակալ Աննա Մարտիկյանի գլխավորությամբ այցելել են Աշոցք համայնքի Մուսայելյան բնակավայրում գործող «Աշոցքի պանրի գործարան»։

Կաթը մթերվում է Աշոցքի բնակավայրերի գյուղացիական տնտեսություններից: Գործարանի կողմից արտադրվող շուրջ յոթ տեսակի պանրի տեսականին սպառվում է ինչպես տեղական շուկայում, այնպես էլ՝ արտահանվում արտերկիր:
Պատասխանատուների ուղեկցությամբ Աննա Մարտիկյանը շրջել է տարածքում, ծանոթացել աշխատանքների ընթացքին, արտադրատեսականուն, շրջանառության ծավալներին:
Գործարանը նախատեսված է օրական 25-30 տոննա կաթ մթերելու համար, սակայն այժմ մթերվում է 10-15 տոննա:

Նշենք, որ «Աշոցքի պանրի գործարանը» օգտվել է ՀՀ կառավարության կողմից հաստատված Գյուղատնտեսական հումքի մթերումների նպատակով տրամադրվող վարկերի տոկոսադրույքների սուբսիդավորման ծրագրից:
Պատասխանատուներն այցելել են նաև Աշոցք համայնքի Գոգհովիտ բնակավայրում գործող բազալտի արտադրամաս։ «Դավիթ Մխիթարյան» ընկերությունը հիմնադրվել է մեկ տարի առաջ և զբաղվում է բազալտե և տուֆե սալիկների, եզրաքարերի արտադրությամբ։ Յուրաքանչյուր ամիս արտադրության ծավալը կազմում է 10 հազար քառակուսի մետր։