Շիրակի մարզպետի աշխատակազմ

 Շիրակի մարզպետ Մուշեղ Մուրադյանի գլխավորությամբ մարզպետի աշխատակազմում անցկացվել է քաղաքացիների հերթական ընդունելությունը։
Քաղաքացիները մարզպետին դիմել են դրամական օգնություն ստանալու, բնակարանային, առողջական, աշխատանքի տեղավորման, անձնական մի շարք այլ հարցերով։
Լեռնային Ղարաբաղից բռնի տեղահանված և մարզում բնակություն հաստատած քաղաքացիները մարզպետին են դիմել բնակարանային ապահովման պետական աջակցության ծրագրից օգտվելու, փաստաթղթային ձևակերպումներում խորհրդատվության, ֆինանսական օգնություն ստանալու խնդրով։
Մարզպետը լսել է ընդունելության եկած բոլոր քաղաքացիներին, մի շարք հարցեր տեղում լուծում են ստացել, որոշ խնդիրների լուծման համար մարզպետի հանձնարարությամբ ոլորտային պատասխանատուները կզբաղվեն լրացուցիչ։