Շիրակի մարզպետի աշխատակազմ

 Ամասիա համայնք աշխատանքային այցի շրջանակում Շիրակի մարզպետ Մուշեղ Մուրադյանն աշխատակազմի պատասխանատուների, Ամասիա համայնքի ղեկավար Ջեմմա Հարությունյանի, ՀՀ ՆԳՆ ՓԾ Շիրակի մարզային փրկարարական վարչության պետ Արմեն Ափոյանի ուղեկցությամբ եղել է ՀՀ ՆԳՆ ՓԾ Շիրակի մարզային փրկարարական վարչության Ամասիայի հրշեջ-փրկարարական ջոկատում։
 Մուշեղ Մուրադյանը շրջել և ծանոթացել է շենքային պայմաններին, առկա իրավիճակին ու խնդիրներին, զրուցել աշխատակիցների հետ` բարձր գնահատելով փրկարարների նվիրված ու պարտաճանաչ աշխատանքը։
Նշենք, որ Ամասիայի հրշեջ-փրկարարական ջոկատի շենքը գտնվում է անբարեկարգ վիճակում։
Պատասխանատուները քննարկել են շենքային պայմանների բարելավմանն առնչվող տարբերակներ, խնդրի հնարավոր լուծման ուղիներ։
Մասնավորապես, առաջարկվել է համայնքին նոր հողհատկացման տարբերակ քննարկել, ինչը հնարավորություն կտա նոր մասնաշենք կառուցելու համար քայլեր ձեռնարկել։