Շիրակի մարզպետի աշխատակազմ

Շիրակի մարզպետ Մուշեղ Մուրադյանն Ախուրյան համայնքի ղեկավար Զավեն Մանուկյանի, մարզպետի աշխատակազմի և համայնքապետարանի ոլորտային պատասխանատուների հետ եղել է Ոսկեհասկ բնակավայրում՝ դիտարկելու սուբվենցիոն ծրագրով իրականացված ասֆալտապատման աշխատանքները։ Այսօր ազդարարվել է երթևեկելի մասի աշխատանքների ավարտը, ընթացքի մեջ է մայթերի կառուցումը։
«Ախուրյան համայնքի Ոսկեհասկ բնակավայրի կենտրոնական ճանապարհի և Ազատան բնակավայրի ներհամայնքային ճանապարհի ասֆալտապատման աշխատանքներ» սուբվենցիոն ծրագրի «Ոսկեհասկ բնակավայրի կենտրոնական ճանապարհի ասֆալտապատման աշխատանքներ» ենթածրագրի կապալի պայմանագիրը կազմել է 223 մլն 178 հազար դրամ։
«Պետություն-համայնք համագործակցության արդյունքում իրականացված ցանկացած ծրագրի մեկնարկը, ընթացքն ու ավարտը մեր անմիջական վերահսկողության ներքո է լինելու, ինձ համար առաջնային է պետական և համայնքային միջոցների նպատակային օգտագործումն ու իրականացված աշխատանքներում թերացումների բացառումը»,- նշել է Շիրակի մարզպետը՝ ընդգծելով բոլոր պատասխանատու կառույցների համագործակցության անհրաժեշտությունն ու ծրագրերի իրականացման հանդեպ հոգատար ու հոգացավ վերաբերմունքի կարևորությունը։
Կառավարության 45 տոկոս համաֆինանսավորմամբ իրականացվող ծրագրի շրջանակներում Ոսկեհասկում ասֆալտապատվել է 1 կմ 140 մետր երկարությամբ ճանապարհ։
Շիրակի մարզպետը համայնքապետի հետ այցելել է օրերես գազի պայթյունից տուժված ոսկեհասկցի ընտանիքին՝ ցավակցությունը, զորակցությունն ու աջակցությունն հայտնելու։ Մարզպետն ու համայնքապետը վստահեցրել են, որ հնարավորությունների սահմանում բնակարանի վերակառուցման հարցում կաջակցեն ընտանիքին ։