Շիրակի մարզպետի աշխատակազմ

Շիրակի մարզպետի տեղակալ Աննա Մարտիկյանն աշխատակազմի պատասխանատուների հետ այսօր ներկա է գտնվել «Հոգ Ընտանիքին» հիմնադրամի ծրագրերի շրջանակներում Անտոնիո Մոնտալտոյի գլխավորությամբ տեղի ունեցած խեցեգործության թանգարանի մեկ սեկցիայի բացմանը, որր որպես այդպիսին առաջինն է Հայաստանում:
Սա մասն է կազմում ավելի մեծ՝ Հայաստանում արհեստագործության զարգացման ծրագրի և կնպաստի զբոսաշրջության խթանմանը:
Մարզպետի տեղակալը ողջունել է նախաձեռնությունն ու Շիրակի մարզպետ Մուշեղ Մուրադյանի անունից հաջողություններ մաղթել ձեռնարկներում՝ նշելով, որ անչափ կարևոր է ցանկացած ծրագրի իրականացում, որը նպաստելու է զբոսաշրջության զարգացմանն ու ազգային արժեքների պահպանմանը, որն էլ իր հերթին կբերի տնտեսական զարգացում, քանի որ ծրագիրը կարող է ստեղծել տասնյակ աշխատատեղեր և երիտասարդների համար նոր հմտությունների զարգացման հնարավորություն կընձեռի: