Շիրակի մարզպետի աշխատակազմ

ՆԳՆ փրկարար ծառայության հարգելի՛ աշխատակիցներ, հարգարժա՛ն փրկարարներ, վետերաններ,
Սրտանց շնորհավորում եմ Ձեզ փրկարարական ծառայողի մասնագիտական օրվա առթիվ։
Ձեր ամենօրյա դժվար և պատասխանատու աշխատանքը կյանքի ծանր իրավիճակում և վտանգի մեջ հայտնված քաղաքացիներին օգնություն ցուցաբերելն է։ Թերևս սա է պատճառը, որ փրկարարի գործը համարվում է ամենամարդասիրականներից մեկը։
Վտանգելով սեփական կյանքն ու առողջությունը՝ դուք կյանքեր եք փրկում և ձեր նվիրումը, քաջությունն ու կամքը արժանի է անկեղծ հարգանքի ու գնահատանքի։
Փրկարարի մասնագիտությունը պատասխանատվության, պատրաստակամության, բարության, հոգատարության ամբողջություն է, որտեղ չի կարող լինել ուրիշի դժվարություն, ուրիշի դժբախտություն։ Այս առումով փրկարարի աշխատանքն ավելի շատ առաքելություն է, քան մասնագիտություն։
Վստահ եմ՝ այսուհետ էլ կշարունակեք այնքան նվիրումով ծառայել մեր ժողովրդին, անել հնարավորն ու անհնարինը՝ նրանց պաշտպանելու, նեցուկ կանգնելու և փրկելու համար։
Սիրելի՛ փրկարարներ, վերստին շնորհավորում եմ մասնագիտական տոնի առթիվ: Հաջողություններ, քաջառողջություն և անվտանգ ծառայություն եմ մաղթում բոլորիդ: