Շիրակի մարզպետի աշխատակազմ

 Գյումրու թիվ 1 պոլիկլինիկան համալրվել է շարժական ռենտգեն սարքով
Շիրակի մարզպետ Մուշեղ Մուրադյանի և առողջապահության նախարարության համատեղ ջանքերով Գյումրու թիվ 1 պոլիկլինիկան համալրվել է նոր թվային շարժական ռենտգեն սարքով, որը մեծ դեր կխաղա բուժառուների առողջության պահպանման գործում։
Մարզպետի աշխատակազմի պատասխանատուներն այսօր եղել են պոլիկլինիկայում, հետևել աշխատանքների ընթացքին։
Թվային ռենտգեն սարքն իր նորարարական տեխնոլոգիայով թույլ է տալիս ապահովել բարձր ճշգրտությամբ արագ ախտորոշում, ինչը կնվազեցնի բուժառուների բուժման գործընթացի ժամանակահատվածը և կբարձրացնի ծառայությունների որակը։
Տնօրեն Խաչիկ Գալստյանը շնորհակալություն է հայտնել մարզպետին և նախարարությանը՝ արժեքավոր աջակցույթան և բնակչության առողջության հանդեպ ցուցաբերած հոգատարության համար, որի շնորհիվ պոլիկլինիկայի աշխատանքների և ծառայությունների որակը կբարձրանա։
Նշենք, որ պոլիկլինիկան սպասարկում է 15465 ազգաբնակչություն, որից մինչև 18 տարեկան 2169, 18 տարեկանից բարձր՝ 13296։