Շիրակի մարզպետի աշխատակազմ

 Հարգելի՛ մանկավարժներ
Սրտանց շնորհավորում եմ Ձեզ մասնագիտական տոնի՝ ուսուցչի օրվա առթիվ: Ժամանակն ապացուցել է, որ ուսուցիչն ամենահեղինակավոր և գնահատելի մարդն է հասարակության մեջ։

Արագ փոփոխվող աշխարհում մարդկությունը մշտապես ունենալու է կրթված ու բանիմաց մանկավարժի կարիք, քանի որ նվիրումով աշխատող մանկավարժը միայն կկարողանա մատաղ սերնդին առաջնորդել ամենաճիշտ ուղով։

Վստահ եղեք՝ մեծագույն պատիվ է ուսուցիչ լինելը և եթե դեպի գիտելիքի անծայրածիր աշխարհ տանող ճանապարհն ամուր հենքի վրա կառուցեք՝ տարիներ անց կիրթ ու բանիմաց հասարակության մեջ կտեսնեք Ձեր աշխատանքի և անսպառ եռանդի արդյունքը։

Ուսուցիչն այն առաջնորդն է, որն անկախ բաժին հասած դժվարություններից` գիտելիք է սփռում, ուղղորդում դեպի իրական արժեքները։

Այսօր, առավել քան երբևէ, հայ երեխային գիտելիքի հետ մեկտեղ հարկավոր է սովորեցնել մտածել, պատասխանատու լինել ընտրած ճանապարհի, հայրենիքի նկատմամբ։

Սիրելի՛ ուսուցիչներ, հավատացած եղեք, որ Կառավարությունը ջանք չի խնայում, որպեսզի պետական համակարգում ուսուցչի աշխատանքը դառնա բարձր վճարվողներից, ինչի վառ օրինակն է ուսուցիչների կամավոր ատեստավորման նոր համակարգի ներդրումը և ոլորտին ուղղված այլ բարեփոխումները։

Եվս մեկ անգամ շնորհավորելով այս գեղեցիկ օրվա առթիվ՝ կիրթ ու բանիմաց սերունդներ դեպի մեծ կյանք ճանապարհելու հերթափոխում բոլորիդ մաղթում եմ հաջողություններ։

Շնորհավո՛ր տոնդ, սիրելի՛ ուսուցի