Շիրակի մարզպետի աշխատակազմ

 Հարգելի՛ գրադարանավարներ
Սրտանց շնորհավորում եմ ձեզ մասնագիտական տոնի՝ գրադարանավարի օրվա առթիվ:
Շուրջ 20 տարի է, ինչ մեր երկրում այս օրը նշվում է որպես գրադարանավարի օր։ Սակայն, դարեր շարունակ գիրքը եղել է հայի բարեկամը։ Եվ որպեսզի այն իսկապես դառնա հավատարիմ ընկեր և բարեկամ, մեծ դեր ունեք դուք, սիրելի գրադարանավարներ։ Ձեր առաքելությունը պսակվում է հաջողությամբ, երբ գրքին տալիս եք շունչ ու հոգի, մարդուն փոխանցում մտավոր հարուստ ժառանգություն։
Մարտահրավերներով լի մեր օրերում գրադարանային գործում տեղի են ունենում արմատական փոփոխություններ, արդյունքում դուք կամա, թե ակամա փոխում եք մասնագիտական որակները՝ դառնալով տեխնոլոգիական նորամուծությունների տեղայնացնողներ և տարածողներ:
Միայն դրվատանքի է արժանի այն, որ ձեր խելամիտ աշխատանքի շնորհիվ մերօրյա ընթերցողների համար ավելի մոտ և սիրելի եք դարձնում գրադարանը, հանրությանը մատուցում գրադարանային նորարար ու որակյալ ծառայություններ:
Մաղթում եմ ձեզ բեղուն գործունեություն, հաջողություններ և ամենայն բարիք։
Շարունակե՛ք նույն նվիրումով աշխատել՝ տարածելով գրքից ճառագող ոգեղեն արժեքները։