Շիրակի մարզպետի աշխատակազմ

 Գրադարանավարի օրվա առթիվ Շիրակի մարզպետ Մուշեղ Մուրադյանի անունից բարեխիղճ աշխատանքի և անմնացորդ նվիրումի համար մարզպետի տեղակալ Աննա Մարտիկյանն այսօր պատվոգրեր և շնորհակալագրեր է հանձնել Շիրակի մարզային գրադարանի մի շարք աշխատակիցների։
Շնորհավորելով մասնագիտական տոնի առթիվ՝ Աննա Մարտիկյանը փոխանցել է մարզպետի բարեմաղթանքները՝ կարևորելով մերօրյա ընթերցողների պահանջներին համապատասխան աշխատանքների կազմակերպումը, գրադարանային նորարար ու որակյալ ծառայությունների մատուցումը։
Մարզային գրադարանի կողմից երկարամյա աշխատանքային վաստակի համար շնորհակալագրեր են հանձնվել նաև գրադարանի որոշ աշխատակիցների և անհատների ու բարեկամ կազմակերպությունների ներկայացուցիչների՝ արդյունավետ համագործակցության համար։