Շիրակի մարզպետի աշխատակազմ

 Մարզպետի պատվոգրերով են պարգևատրվել «ՀՀ վարչապետի գավաթ» սիրողական խճուղավազքի 2024 թվականի մրցաշարի շիրակցի մասնակիցները
4 ոսկի,  2 արծաթ, 5 բրոնզ՝ «ՀՀ վարչապետի գավաթ» սիրողական խճուղավազքի 2024 թվականի մրցաշարի մեդալների մեծ մասը Շիրակ բերած մասնակիցներին Շիրակի մարզպետը ողջունել է և նշել, որ տպավորված է մարզի թիմի մրցելույթներով։
«Ցանկացած բնագավառում հաղթանակը մարզի համար ձեռքբերում է, մենք հպարտանում ենք, որ մեր մարզիկներն այսքան լավ են հանդես գալիս տարբեր մրցաշարերում։ Այն, որ դուք ևս հավուր պատշաճի էիք նախապատրաստվել այս մրցաշարին՝ խոսում են բերած մեդալներն ու արդյունքները։ Գնահատելի է ձեր աշխատանքն ու թափած ջանքերը, վստահ եմ՝ հաջորդ տարի առավել մեծ պատասխանատվությամբ եք մասնակցելու և ավելի շատ մեդալներ եք բերելու»,- նշել է Մուշեղ Մուրադյանը։
Մասնակիցներն ու մարզիչները շնորհակալություն են հայտնել մարզպետին՝ ջերմ վերաբերմունքի, ջանքերը գնահատելու և կարևորելու համար։
Հանդիպման ավարտին մարզպետը պատվոգրեր է հանձնել «ՀՀ վարչապետի գավաթ» սիրողական խճուղավազքի 2024 թվականի մրցաշարի մասնակիցներին և մարզիչներին՝ լավագույնս մասնակցելու, մրցանակային տեղեր գրավելու, ինչպես նաև թիմերի լավագույն մասնակցությունն ապահովելու համար։