Շիրակի մարզպետի աշխատակազմ

 Շիրակի մարզպետ Մուշեղ Մուրադյանի հանձնարարությամբ մարզպետի տեղակալներ Ալբերտ Այվազյանն ու Աննա Մարտիկյանն այսօր դիտարկել են Հայաստանի տարածքային զարգացման հիմնադրամի կողմից իրականացվող «Գյումրի քաղաքի զբոսաշրջության ենթակառուցվածքների և ճանապարհների վերակառուցում» ծրագրի շրջանակներում Սբ. Ամենափրկիչ եկեղեցու հարակից հատվածում՝ Աբովյան փողոցում, իրականացվող ասֆալտապատման աշխատանքների ընթացքը։
Մարզպետի տեղակալները շրջել են տարածքում, հետևել հիմնանորոգման աշխատանքներին և շինարարի հետ զրույցում կարևորել դրանց որակով իրականցումը։
Նշենք, որ ՀՀ կառավարության, Համաշխարհային բանկի համաֆինանսավորմամբ իրականացվող շինարարական ծրագիրը հինգ բաղադրիչով է իրականացվում՝ «Գյումրի քաղաքի Հաղթանակի պողոտայի վերականգնում», «Գյումրի քաղաքի Տերյան և Նալբանդյան փողոցների վերանորոգում», «Գյումրի քաղաքի Խանջյան և Չայկովսկի փողոցների վերանորոգում», «Գյումրի քաղաքի Աճեմյան, Հանեսօղլյան և Ջիվանի փողոցների վերականգնում» և «Գյումրի համայնքի Սբ. Ամենափրկիչ եկեղեցու հարակից այգու և հարող Աբովյան փողոցի աջ և ձախ հատվածների վերականգնում»։
«ՀՀ Շիրակի մարզի Գյումրու Սբ. Ամենափրկիչ եկեղեցու հարակից այգու և հարող Աբովյան փողոցի աջ և ձախ հատվածների վերականգնում» բաղադրիչով իրականացվող աշխատանքների ընդհանուր արժեքը 1 մլրդ 113 մլն դրամ է: Ենթածրագրի բաղադրիչի շրջանակում նախատեսվում է 0,62 կմ Աբովյան փողոցի, եկեղեցու հարակից այգու վերակառուցում, նոր շատրվանների տեղադրում, ճեմուղու կառուցում, մայթերի և հուշարձանի տարածքի բարեկարգում, ինժեներական ենթակառուցվածքների անցկացում, կահավորում: