Շիրակի մարզպետի աշխատակազմ

 Սառնաղբյուրի դպրոցականները ռազմամարզական խաղերի արծաթե մեդալակիր
ՀՀ ՊՆ N զորամասում կայացել են ՀՀ կրթության, գիտության մշակույթի և սպորտի նախարարության
կողմից իրականացվող «Նախազորակոչային և զորակոչային տարիքի երիտասարդության
հանրապետական ռազմամարզական խաղեր» միջոցառման եզրափակիչ փուլի մրցումները։
Միջոցառմանը Շիրակի մարզը ներկայացրել է Սառնաղբյուրի միջնակարգ դպրոցի 9-12-րդ դասարանների 9 տղաներով համալրված թիմը՝ դպրոցի զինղեկ Վ․Մկրտչյանի գլխավորությամբ։
Խաղերի մասնակիցները ուժերը չափել են ինքնաձիգի քանդում-հավաքում, հրաձգություն՝ AK 74 ինքնաձիգով, ձգումներ պտտաձողին, նռնակի նետում, փոխանցումավազք պատգարակով և վազք 1000մ մրցաձևերում։
Եռօրյա համառ պայքարից հետո մրցանակային եռյակը կազմել են Արագածոտնի(1075 միավոր),
Շիրակի(1064 միավոր) և Գեղարքունիքի(1057) մարզերը ներկայացնող թիմերը։