Շիրակի մարզպետի աշխատակազմ

 Շիրակցի դպրոցականներն այսօր մեկնել են Վազգեն Սարգսյանի անվան ռազմական ակադեմիա, որտեղ հոկտեմբերի 28-ից նոյեմբերի 1-ը անցկացվելու են ուսումնական պարապմունքներ։
Շիրակի մարզպետ Մուշեղ Մուրադյանի անունից աշխատակազմի Կրթության, մշակույթի և սպորտի վարչության պետի պարտականությունները կատարող Վաչագան Վարդանյանը բարի ճանապարհ է մաղթել՝ փոխանցելով մարզպետի խոսքը՝ հայրենիքի համար պիտանի և հայրենանվեր քաղաքացի ձևավորվում է դպրոցից։ Բոլորս անելիք ունենք այս ճանապարհին, քանզի մենք պետք է ուժեղ լինենք ու միշտ պատրաստ մեր երկիրը պաշտպանելու, իսկ մատաղ սերնդի դաստիարակության մեջ հայրեասիրություն սերմանելու գործում մեծ է դպրոցների առաքելությունը։
Նշենք, որ բանակ-հասարակություն կապի ամրապնդումը, զինվորական ծառայության գրավչության բարձրացմանը և աշակերտների մասնագիտական կողմնորոշմանն ուղղված միջոցառումների շրջանակում Վազգեն Սարգսյանի անվան ռազմական ակադեմիա են այցելում հանրապետության տարբեր մարզերի ավագ դպրոցների աշակերտներ։ Նրանք կրթօջախում ծանոթանում են ակադեմիայի ընդունելության կարգին, ռազմակրթական նորացված ծրագրերին, կուրսանտների առօրյային, ուսումնական և կեցության պայմաններին, սպա դառնալու հեռանկարներին ու պետության կողմից տրամադրվող բազմաթիվ արտոնություններին և սոցիալական երաշխիքներին։