Շիրակի մարզպետի աշխատակազմ

 Հայաստանի շախմատի ակադեմիայում կայացել են ՀՀ դպրոցականների շախմատի 18-րդ օլիմպիադայի հանրապետական եզրափակիչ փուլի մրցումները։
Մասնակիցները օլիմպիադայի մարզային և Երևանի քաղաքային փուլերում լավագույնները ճանաչված հանրակրթական ուսումնական հաստատությունների թիմերն են եղել։
Շախմատային ամենամասսայական այս մրցաշարի եզրափակիչում Շիրակի մարզը ներկայացրել է «Ֆոտոն» վարժարանի թիմը՝ 3 տղա և 1 աղջիկ կազմով։ Վարժարանի ուսուցիչ Գ․ Սարգսյանի գլխավորությամբ թիմը` տոնելով 11 հաղթանակ և ոչ-ոքի ավարտելով 2 հանդիպումը՝ դարձել է օլիմպիադայի չեմպիոն։