Շիրակի մարզպետի աշխատակազմ

 Շիրակի մարզպետ Մուշեղ Մուրադյանի հանձնարարությամբ մարզպետի տեղակալ Աննա Մարտիկյանի գլխավորած սուբվենցիոն ծրագրերի վերահսկողության մշտադիտարկման աշխատանքային խումբն այսօր եղել է Արթիկ համայնքի Պեմզաշեն, Տուֆաշեն, Հայկասար, Հայրենյաց, Հոռոմ, Սարատակ բնակավայրերում։
Համայնքի ղեկավար Անան Ոսկանյանի, համայնքապետարանի պատասխանատուների հետ դիտարկվել է «Արթիկ համայնքի Սարատակ և Պեմզաշեն բնակավայրերի ճանապարհների ասֆալտապատում» սուբվենցիոն ծրագիրը, որի ընդհանուր արժեքը կազմում է 183 մլն 954 հազար դրամ, Կառավարությունը կհատկացնի գումարի 45 տոկոսը։ Ծրագրի արդյունքում ասֆալտապատվել է 1711 մետր ճանապարհ։
Պատասխանատուները հետևել են նաև «Արթիկ համայնքի թվով 12 բնակավայրերի լուսավորության ցանցի կառուցում» (Արթիկ, Նոր Կյանք, Լուսակերտ, Սարալանջ, Հառիճ, Մեղրաշեն,Նահապետավան, Անուշավան, Փանիկ, Տուֆաշեն, Հովտաշեն, Հոռոմ) սուբվենցիոն ծրագրով իրականացվող աշխատանքներին։ Ծրագրի ընդհանուր արժեքը կազմում է 55 մլն 508 հազար դրամ, Կառավարությունը կտրամադրի գումարի 55 տոկոսը։ Ծրագրի արդյունքում տեղադրվելու է 561 հենասյուն լեդ լույսերով, որոնց երկարությոոնը կազմում է 16,7 կմ։
«Արթիկ համայնքի թվով 14 բնակավայրերի ներհամայնքային ճանապարհների տուֆ քարով սալապատում» (Մեծ Մանթաշ, Սարալանջ, Հառիճ, Նահապետավան, Արթիկ, Սպանդարյան, Սարատակ, Գեղանիստ, Հոռոմ, Փանիկ, Մեղրաշեն, Հովտաշեն, Գետափ, Լուսակերտ) սուբվենցիոն ծրագրի ընդհանուր արժեքն էլ կազմում է 431 մլն 603 հազար դրամ, Կառավարության համամասնությունը կազմում է 65 տոկոս։ Ծրագրի արդյունքում սալարկվելու է 8160 մետր ճանապարհ։
Մշտադիտարկման աշխատանքային խումբը հետևել է նաև «Արթիկ համայնքի Մեծ Մանթաշ, Փոքր Մանթաշ, Գեղանիստ, Հայրենյաց, Հայկասար, Պեմզաշեն և Լեռնակերտ բնակավայրերի գազատարի ներքին ցանցի կառուցում» սուբվենցիոն ծրագրով իրականացվող աշխատանքներին։ Ծրագրի արժեքը կազմում է 89 մլն 202 հազար դրամ, որից ՀՀ կառավարության համամասնությունը կազմում է 55 տոկոս։ Ծրագրի արդյունքում անցկացվել է 7․2 կմ գազատար։