Շիրակի մարզպետի աշխատակազմ

 Սուբվենցիոն ծրագրերի վերահսկողության մշտադիտարկման աշխատանքային խումբը մարզպետի տեղակալ Աննա Մարտիկյանի գլխավորությամբ Շիրակի մարզպետ Մուշեղ Մուրադյանի հանձնարարությամբ այսօր եղել է Անի համայնքում։
Համայնքի ղեկավար Արման Սարիբեկյանի հետ պատասխանատուները դիտարկել են «Անի համայնքի Մարալիկ քաղաքի Հր. Շահինյան փողոցի հիմնանորոգում և Սառնաղբյուր, Սարակապ, Հայկաձոր բնակավայրեր տանող ճանապարհների ասֆալտապատում» սուբվենցիոն ծրագրի «Անի համայնքի Սառնաղբյուր բնակավայր տանող ճանապարհի 1300մ հատվածի ասֆալտապատում» ենթածրագրով իրականացվող աշխատանքները, որի կապալի պայմանագիրը կազմում է 120 մլն 378 հազար դրամ։ Ծրագրի գումարի 45 տոկոսը Կառավարությունն է հատկացնելու։
Մարզպետի տեղակալը փոխանցել է Մուշեղ Մուրադյանի հանձնարարականը՝ լինել հնարավորինս զգոն և անել ամեն ինչ աշխատանքներում թերացումներ չունանելու համար։
Նշենք, որ Սառնաղբյուրում ասֆալտապատվում է նաև դեպի բնակավայրի հուշարձան տանող ճանապարհը։