Շիրակի մարզպետի աշխատակազմ

 Սիրելի՛ ուսանողներ
Ի սրտե շնորհավորում եմ ձեզ Ուսանողների միջազգային օրվա առթիվ:
Այսօր ևս մեկ առիթ է կարևորելու ուսանողների դերն ու նշանակությունը յուրաքանչյուր պետության զարգացման և առաջընթացի գործում։
Երիտասարդական եռանդի, նախաձեռնողականության, ուրախության, խենթության խորհրդանիշ համարվող ուսանողներն իրենց մտավոր ներուժով, ձգտումով ու քայլերով առանձնանում են կյանքի նկատմամբ մեծ հետաքրքրությամբ, կոնկրետ նպատակներ դնելու և դրանց հասնելու ունակությամբ:
Ուսանող լինելը բացառիկ հնարավորություն է, քանի որ իսկապես կարող ես սովորել և գիտելիք ստանալ։
Կառավարության ուշադրության կենտրոնում շարունակում են մնալ ուսանողների հիմնահարցերը, որոնց լուծման ուղղությամբ արվում է հնարավոր ամեն ինչ։
Սիրելի՛ ուսանողներ օգտվեք ձեզ տրված բոլոր այն հնարավորություններից, որ ունեք հիմա, սովորեք, բացահայտեք գիտելիքի անծայրածիր աշխարհը, վայելեք ընկերության, կոլեկտիվի մի մասը կազմելու բավականությունը։
Միշտ հիշեք՝ մեր ապագան ձեր ձեռքերում է, քանի որ երկրի բարեկեցությունը պայմանավորված է հենց ձեր ստացած գիտելիքով, կայացած ու կիրթ երիտասարդներով: Դուք այն ուժն եք, որ կարող է փոխել աշխարհը` դարձնելով այն ավելի լավը։
Ցանկանում եմ ձեզ կայունք գիտելիք, անսպառ եռանդ, նպատակասլացություն և ինքնավստահություն։