Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գյումրի համայնքի գլխավոր տոնածառի գնման գործընթացն իրականացվելու է ՀՀ Շիրակի մարզպետի աշխատակազմի միջոցով
05.12.2024
ՀՀ Շիրակի մարզի Գյումրի համայնքի գլխավոր տոնածառի գնման, տեղադրման և զարդարման, ինչպես նաև ամանորյա դեկորների նորով փոխարինման աշխատանքներն իրականացվելու են ՀՀ Շիրակի մարզպետի աշխատակազմի միջոցով: Այդ նպատակով այսօր ՀՀ կառավարության որոշմամբ մարզպետի աշխատակազմին հատկացվել է 20 մլն 100 հազար դրամ։
Քանի որ մոտենում են ամանորյա տոները, և չնախատեսված իրավիճակի առաջացման հետևանքով ծագել է գնման անհետաձգելի պահանջ և, չնախատեսված իրավիճակից ելնելով, գնման այլ ձևերի կիրառումը ժամկետի առումով անհնար է, պայմանով, որ նման պահանջը հնարավոր չէր օբյեկտիվորեն կանխատեսել, որոշվել է ՀՀ Շիրակի մարզի Գյումրի համայնքի գլխավոր տոնածառի գնման, տեղադրման և զարդարման, ինչպես նաև ամանորյա դեկորները նորով փոխարինման աշխատանքներն իրականացնել հրատապ մեկ անձից գնման ընթացակարգով:
