Շիրակի մարզպետի աշխատակազմ

Շիրակի մարզպետի աշխատակազմում քննարկվել են մարզպետի խորհրդականների թափուր տեղերը զբաղեցնելու նպատակով ներկայացված դիմումները։
Ընդհանուր առմամբ, դիմումների քանակը եղել է 36, նրանցից 15-ը իրավաբանական, 13-ը ֆինանսական և 8-ը այլ կրթություն ունեցող մարդիկ են եղել։ 15 դիմումատուի փաստաթղթային փաթեթն է համապատասխանել ներկայացված պահանջներին։
Ըստ այդմ, խորհրդականի պաշտոն կարող են զբաղեցնել բարձրագույն կրթություն ունեցող (այս պարագայում իրավաբանական և ֆինանսական), հանրային ծառայության առնվազն երեք տարվա կամ պաշտոնի անձնագրով պահանջվող աշխատանքի բնագավառում առնվազն երեք տարվա աշխատանքային ստաժ ունեցող և 25 տարին լրացած անձինք:
Կարևորելով գործընթացի թափանցիկությունն ու դիմումատուների արհեստավարժության ու մասնագիտական հմտությունների օբյեկտիվ գնահատումը՝ Շիրակի մարզպետ Դավիթ Առուշանյանի հանձնարարությամբ նրանց հետ կանցկացվի նաև հարցազրույց, որից հետո կլինեն նշանակումները։