Շիրակի մարզպետի աշխատակազմ

 Շիրակի մարզում կայացել են Կրթության, գիտության, մշակույթի և սպորտի նախարարության կողմից իրականացվող «ՀՀ մարզերի և Երևան քաղաքի հանրակրթական դպրոցների 1-ից 3-րդ և 4-ից 6-րդ դասարանների աշակերտների միջև անցկացվող «Սպորտլանդիա»» մարզական միջոցառման համայնքային փուլերի մրցումները։
Թիմերի կազմերում ընդգրկված են եղել 5-ական տղա և աղջիկ։ Միջոցառման նպատակը ֆիզկուլտուրայի և սպորտի միջոցով դպրոցահասակ երեխաների առողջության ամրապնդումն ու նրանց ֆիզիկական որակների բարելավումն է, ինչպես նաև հանրակրթական ուսումնական հաստատություններում ֆիզկուլտուրային, առողջարարական ու մարզական զանգվածային աշխատանքների կազմակերպման խթանումը։
Միջոցառման ծրագրում ընդգրկված են եղել «Խաղային փոխանցավազքեր», «Փոխանցավազք արգելքների հաղթահարումով», «Փոխանցավազք մարմնամարզական օղակներով», «Վարժություն երկանիվ հեծանվով» և «Օլիմպիական խորհրդանիշի հավաքում» մրցաձևերը։
Համայնքներում լավագույնները ճանաչված դպրոցական թիմերն իրավունք են ստացել մասնակցելու ապրիլի 21-ից 22-ը անցկացվող սպորտլանդիայի Շիրակի մարզի ընտրական փուլի մրցումներին։