Շիրակի մարզպետի աշխատակազմ

 Շիրակի մարզում ընթանում են Հայաստանի Հանրապետության վարչապետի հովանու ներքո անցկացվող «Դպրոցականների բասկետբոլի լիգա» մարզական խաղերը։ Միջոցառումն անցկացվում է դպրոցականների շրջանում բասկետբոլ մարզաձևի զարգացման, դպրոցահասակ երեխաների առողջության ամրապնդման, առողջ ապրելակերպի ձևավորման գործում ֆիզիկական կուլտուրայի և սպորտի դերի բարձրացման, ֆիզիկապես առողջ և բարոյապես կայուն սերնդի ձևավորոման նպատակով:
Բասկետբոլի լիգան անցկացվում է 2 տարիքային խմբով՝ 10-12 տարեկան (5-6-րդ դասարաններ) և 13-15 տարեկան (7-9-րդ դասարաններ) դպրոցականնների թիմերի միջև։ Թիմի կազմում պետք է ընդգրկված լինեն և տղաներ և աղջիկներ: Հանդիպման ընթացքում խաղահրապարակում թիմի կազմում միաժամանակ պետք է գտնվեն 2*3 հարաբերակցությամբ աշակերտներ՝ 3 տղա և 2 աղջիկ կամ 2 տղա և 3 աղջիկ:
Մրցումները անցկացվում են 4 փուլով՝ համայնքային, մարզային, միջմարզային և հանրապետական եզրափակիչ։ Համայնքային փուլերում հաղթող ճանաչված թիմերը իրավունք կստանան մասնակցելու ապրիլի 14-17-ը Գյումրիում նախատեսված «Դպրոցականների բասկետբոլի լիգա» մարզական խաղերի Շիրակի մարզային փուլի մրցումներին։