Շիրակի մարզպետի աշխատակազմ

 Թատերարվեստի հարգելի ներկայացուցիչներ, թատրոնի սիրելի երկրպագուներ

Շնորհավորում եմ բոլորիդ Թատրոնի միջազգային օրվա առթիվ։
Թատրոնի շնորհիվ ոչ միայն սերունդներ են կրթվում և դաստիրարակվում, այլև արվեստի այս ճյուղը հասարակության տրամադրությունների, մտորումների, ձգտումների, հանրության գեղագիտական ճաշակի, անհատի արժեհամակարգի ձևավորման վրա է մեծ ազդեցություն թողնում։
Անժխտելի է, որ թատրոնի բացառիկ հնարավորության արդյունքում իրական և բեմական աշխարհի եզրագիծն անհետանում է, ներկայացման ժամանակ հանդիսատեսը տեղափոխում է մի միջավայր, որտեղ կյանքն այնպիսին է, ինչպիսին կա, ցանկալի է, որ լինի կամ հակառակը՝ երբևէ չպետք է լինի։

Հարգելիներս, հայ թատերարավեստի հնագույն ավանդույթները զարգացնելով, դուք բոլոր մարտահրավերներին դեմ հանդիման արժանապատվորեն շարունակում եք իսկական արվեստագետին վայել գործունեություն ծավալել, ձևավորել մշակույթ ու հարստացնել այն՝ երկխոսության մեջ լինելով դահլիճում ներկա հանդիսատեսի հետ:

Առանձնահատուկ շնորհավորում եմ Գյումրու Վ․ Աճեմյանի անվան պետական դրամատիկական թատրոնի տաղանդաշատ հանրույթին, Գյումրու Ստ.Ալիխանյանի անվան տիկնիկային թատրոնի, Մտորումների թատրոնի նվիրյալներին, որոնց աշխատանքը միտված է միմիայն մարդկային ամենաբարձր արժեքներ ստեղծելուն։

Բոլորիդ մաղթում եմ ստեղծագործական անսպառ էներգիա, թող ոգևորությունն ու մոտիվացիան մշտապես լինեն ձեզ հետ՝ մղելով բեմական նոր նվաճումների։