Շիրակի մարզպետի աշխատակազմ

 «Շենացրո՛ւ պետությունդ՝ եղի՛ր օրինապահ, նվիրված ու հոգատար». Շիրակի մարզի բոլոր համայնքներում տարաբնույթ միջոցառումներով նշել են «ՀՀ քաղաքացու օրը»։
Հանդիպումների, քննարկումների, խորհրդաժողովների ժամանակ անդրադարձ է կատարվել պետության կերտման գործում քաղաքացու դերակատարությանը, քաղաքացու կերպարին ու անելիքներին։ Պետական և համայնքային իշխանության ներկայացուցիչները, պետականաշինության գործում ներդրում ունեցող, հասարակական ակտիվ գործունեություն ծավալող գործիչները, կրթության, գիտության, տեխնոլոգիաների, մարզաշխարհի, մշակույթի բնագավառներում հաջողություններ ունեցող մարդիկ խոսել են իրենց անցած ճանապարհի մասին, ներկայացրել պատկերացումներն ու փորձառությունը։
Հանդիպումներն ավարտվել են մշակութային կատարումներով ու ծառատունկով։