Շիրակի մարզպետի աշխատակազմ

 Մայիսի 7-ից Շիրակի մարզում մեկնարկել են «Հայաստանի Հանրապետության վարչապետի գավաթ» սիրողական խճուղային հեծանվավազքի մրցաշարի ծրագրով Շիրակի մարզի համայնքային փուլի մրցումները։
Միջոցառումների շարքը սկսվել է Արթիկ համայնքից։ Արթիկ - Նոր Կյանք - Հոռոմ- Մ1 Երևան - Գյումրի ավտոճանապարհի խաչմերուկ և հետդարձ ուղղությամբ 25 կմ երթուղով մրցել են համայնքում գործող հանրակրթական ուսումնական հաստատությունների աշակերտները։
Մրցաշարն անցկացվում է 2 տարիքային խմբերով՝ 7-9-րդ և 10-12 րդ դասարանների աշակերտների միջև։ Թիմերի կազմերը 7-9-րդ դասարաններ՝ 1 տղա և 1 աղջիկ ու 10-12-րդ դասարաններ՝ 2 տղա և 2 աղջիկ։ Ըստ տարիքային խմբերի, համայնքային փուլում 1-ին, 2-րդ և 3-րդ տեղերը գրաված թիմերը իրավունք կստանան մասնակցելու մայիսի 21-ին անցկացվող մարզային ընտրական փուլի մրցումներին։