Շիրակի մարզպետի աշխատակազմ

Շիրակի մարզպետ Դավիթ Առուշանյանն այսօր հերթական անգամ ընդունել է Հողմիկ բնակավայրի վարչական ղեկավարին ու բնակիչներին։ Մարզպետը բնակիչներին տեղեկացրել է, որ զբաղվել է նրանց բարձրացված հարցով և խնդրին լուծում է տրվել՝ հաշվի առնելով օբյեկտիվ հիմնավորումները։
«Բազմիցս ասել եմ՝ ինձ համար Շիրակի մարզի բնակիչների խնդիրները լուծելն ուղիղ պարտականությունից զատ, նաև աշխատանքի կարևորագույն բաղադրիչն է և լիազորություններիս սահմաններում անելու եմ հնարավորն՝ աջակցելու և խնդիրների լուծման ուղիներ որոնելու առումով։ Ձեր բարձրացրած հարցն ուներ օբյեկտիվ հիմնավորում, ինչը հնարավոր եղավ լուծել»։
Հողմիկի բնակիչները շնորհակալություն են հայտնել մարզպետին՝ ջերմ ընդունելության, իրենց խնդրի լուծման հարցում ներդրած ջանքերի համար։