Շիրակի մարզպետի աշխատակազմ

Առողջապահության նախարարությունը «Հանրային առողջության պահպանման և ծխելու դեմ պայքարի միջոցառումների» շրջանակում «Հայաստանի մանուկներ» հիմնադրամի և «World food programme»-ի հետ համատեղ Արթիկ համայնքում այսօր իրականացրել է հանրային իրազեկման արշավ, որին մասնակցել են Շիրակի մարզպետի աշխատակազմի և համայնքապետարանի պատասխանատուները։
Միջոցառումը մեկնարկել է քայլերթով, մասնակիցները Սասունցի Դավիթ և Ղարիբջանյան փողոցներով երթով շարժվել են Արթիկ քաղաքի Ազատության հրապարակ։
Արշավին մասնակցել են Գյումրու թիվ 11 դպրոցի, Արթիկ համայնքի դպրոցների աշակերտները, իսկ համայնքապատկան ՀՈԱԿ-ների սաներն Արթիկ քաղաքի Ազատության հրապարակում հանդես են եկել ելույթներով։
Միջոցառման շրջանակներում ներկայացվել են մարզական խաղեր, եղել են տեղեկատվական տաղավարներ և այլ նախաձեռնություններ, որոնք առողջ ապրելակերպը դարձնելու են ոչ միայն հասանելի, այլև գրավիչ։