Շիրակի մարզպետի աշխատակազմ

 Շիրակի մարզպետ Դավիթ Առուշանյանի մոտ այսօր տեղի է ունեցել քաղաքացիների հերթական ընդունելությունը։
Հիմնականում սոցիալական, առողջապահական, բնակարանային, հողային, ինչպես նաև աշխատանքի ու անձնական մի շարք հարցերով են քաղաքացիները դիմել մարզպետին։
Մարզպետը լսել է բոլոր բնակիչներին, քննարկել նրանց ներկայացրած հիմնահարցերը։ Այն խնդիրները, որոնք հնարավոր են եղել տեղում լուծել՝ արագ կարգավորվել են, իսկ ժամանակ պահանջող հարցերի լուծման համար մարզպետը հանձնարարություն է տվել ոլորտային պատասխանատուներին։
Մի շարք քաղաքացիներ սոցիալական աջակցություն ստանալու, որոշ դիմողներ էլ՝ բնակարանային հարցերի հստակեցման դիմումներ են ներկայացրել, որոնց առաջիկայում օրենքով սահմանված կարգով մարզպետի աշխատակազմի կողմից կտրվեն պատասխաններ։