Շիրակի մարզպետի աշխատակազմ

 Սիրելի՛ ուսանողներ,
Շնորհավորում եմ ձեզ Ուսանողության օրվա առթիվ։
Երիտասարդության ստեղծագործ միտքն ու նորարարական ձգտումները յուրաքանչյուր հասարակության կարևորագույն հենքն են, ուսանողությունը կյանքի այն հատվածն է, որն ազատ մտածելու, բացահայտելու, ստեղծելու և աշխարհը փոխելու ժամանակաշրջան է բոլորի համար։ Դուք եք ձևավորում մեր երկրի ապագան՝ նոր գաղափարներով, գիտելիքով և համարձակությամբ։ Ձեր յուրաքանչյուր նախաձեռնություն և ձեռքբերում արժեքավոր ներդրում է մեր մարզի, մեր երկրի զարգացման գործում։
Այսօր կրթությունը միայն մասնագիտական գիտելիք չէ, այն մտածողություն է, կյանքի հանդեպ մոտեցում, արժեքային համակարգ և պատասխանատվություն՝ սեփական կյանքի ու հանրային առաջընթացի հանդեպ։
Եվս մեկ անգամ շնորհավորելով բոլորիդ՝ մաղթում եմ նպատակասլացություն, ստեղծագործ միտք, աշխատասիրություն և փորձությունները հաղթահարելու ամուր կամք։
Թո՜ղ ձեր ջանքերը պսակվեն հաջողություններով, ուսանողական կյանքը տանի վստահության ճանապարհով, փորձ ու նախաձեռնողականություն տա, ձեր յուրաքանչյուր օրը լինի գիտելիքով զինվելու, ինքնազարգանալու և նպատակներին հասնելու նոր հնարավորություն։
Շնորհավոր Ուսանողության օր։