Շիրակի մարզպետի աշխատակազմ

 ՀՀ ՇԻՐԱԿԻ ՄԱՐԶՊԵՏ ԴԱՎԻԹ ԱՌՈՒՇԱՆՅԱՆԻ ՇՆՈՐՀԱՎՈՐԱԿԱՆ ԽՈՍՔԸ ՍՈՒՐԲ ԾՆՆԴՅԱՆ ՏՈՆԻ ԱՌԹԻՎ
Հարգելի՛ շիրակցիներ,
Ի սրտե շնորհավորում եմ բոլորիս Սուրբ Ծննդյան և Աստվածահայտնության տոնի առթիվ։
Քրիստոսի հրաշափառ ծնունդը քրիստոնեական հավատքի խորագույն խորհուրդներից մեկն է և մեզ կոչ է անում ապրել սիրով, հավատով ու պատասխանատվությամբ՝ միմյանց և մեր հայրենիքի հանդեպ։ Այն ամրապնդում է մարդասիրական արժեքները և խաղաղության ու համերաշխության ոգին տարածում հասարակության մեջ։
Այս օրը հիշեցնում է հավատքի, համբերության և միասնականության կարևորության մասին, որոնք առավել քան երբևէ անհրաժեշտ են մեր հասարակությանը։
Թո՛ղ Սուրբ Ծննդյան օրհնությունը խաղաղություն ու կայունություն բերի Ձեր ընտանիքներին, առողջություն՝ յուրաքանչյուրին, իսկ մեր մարզին՝ շարունակական զարգացում, միասնություն և նոր ձեռքբերումներ։
Թո՛ղ Աստծո օրհնությունն ու խաղաղությունը մշտապես ուղեկից լինեն Ձեզ։
Շնորհավոր Սուրբ Ծնունդ և Աստվածահայտնություն։
«Քրիստոս ծնավ և հայտնեցավ: Մեզ և ձեզ մեծ ավետիս»։