Շիրակի մարզպետի աշխատակազմ

 Շիրակի մարզպետ Դավիթ Առուշանյանի մոտ այսօր անցկացվել է քաղաքացիների հերթական ընդունելությունը, որին մասնակցել են մարզպետի աշխատակազմի համապատասխան ոլորտային պատասխանատուները։
Քաղաքացիները մարզպետին դիմել են սոցիալական, բնակարանային, առողջապահական և համայնքային կարևորության տարբեր հարցերով, բարձրաձայնվել են խնդիրներ, որոնք վերաբերել են անօթևանությանը, զբաղվածության ապահովմանը և ֆինանսական աջակցության անհրաժեշտությանը։ Ներկայացվել են նաև անձնական բնույթի դիմումներ։
Մարզպետը լսել է դիմողների մտահոգությունները, տվել անհրաժեշտ պարզաբանումներ և հանձնարարել պատասխանատուներին մանրամասն ուսումնասիրել ներկայացված հարցերը։ Մի շարք խնդիրներ ստացել են օպերատիվ լուծում տեղում, իսկ մյուսները կդառնան հետագա քննարկման առարկա։