Շիրակի մարզպետի աշխատակազմ

 Գյումրիում կայացել են «ՀՀ վարչապետի գավաթ» դպրոցականների սեղանի թենիսի սիրողական մրցաշարի Շիրակի մարզային փուլի մրցումները։ Միջոցառման նպատակը դպրոցահասակ երեխաների առողջության ամրապնդումն էր և նրանց շրջանում առողջ ապրելակերպի ձևավորումը, ինչպես նաև սեղանի թենիս մարզաձևի մասսայականացումն ու հեռանկարային մարզիկների բացահայտումն է։
Մրցաշարն անցկացվել է 2 տարիքային խմբերով՝ հանրակրթական ուսումնական հաստատությունների 5-9-րդ և 10-12-րդ դասարանների աշակերտների միջև։ Յուրաքանչյուր տարիքային խմբում մրցումներին մասնակցել են 18-ական թիմ-դպրոցներ։ Թիմերի կազմերում ընդգրկված են եղել 2-ական տղա և աղջիկ։
Երկօրյա մրցապայքարի արդյունքներով ըստ տարիքային խմբերի մրցանակային եռյակները կազմել են
5-9-րդ դասարաններ
1-ին տեղ՝ «Ֆոտոն» վարժարան
2-րդ տեղ՝ Ջրառատի միջնակարգ դպրոց
3-րդ տեղ՝ Գյումրու N29 հիմնական դպրոց
10-12-րդ դասարաններ
1-ին տեղ՝ «Ֆոտոն» վարժարան
2-րդ տեղ՝ Բավրայի միջնակարգ դպրոց
3-րդ տեղ՝ «Տնտեսագիտական» վարժարան
Մայիսի 2-3-ը Կոտայքի մարզի Չարենցավան քաղաքում կայանալիք մրցաշարի հանրապետական եզրափակիչ փուլին երկու տարիքային խմբերում էլ Շիրակի մարզը կներկայացնեն «Ֆոտոն» վարժարանի թիմերը։