Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շիրակի մարզպետի աշխատակազմում անցկացվել է շտաբային ուսումնավարժություն
15.04.2026
Շիրակի մարզպետի աշխատակազմում այսօր անցկացվել է շտաբային ուսումնավարժություն` «ՀԱԷԿ-ի միջուկային և ճառագայթային վթարների դեպքում Արմավիր քաղաքից Գյումրի քաղաք տարահանված բնակչության ընդունման և տեղաբաշխման կազմակերպումը» թեմայով։
Մարզպետի որոշմամբ ուսումնավարժության ղեկավար նշանակվել է մարզպետի տեղակալ Ալբերտ Այվազյանը, ուսումնավարժության ղեկավարման շտաբի պետ՝ ՀՀ ներքին գործերի նախարարության փրկարար ծառայության Շիրակի մարզային փրկարարական վարչության պետ Արմեն Ափոյանը։
Ուսումնավարժության նպատակը մասնակիցների հմտություններն ու ունակությունները ՀԱԷԿ-ի միջուկային և ճառագայթային վթարների դեպքում Արմավիրից Գյումրի տարահանված բնակչության ընդունման և տեղաբաշխման կազմակերպման և իրականացման գործում կատարելագործելը, հայկական ատոմային էլեկտրակայանի միջուկային կամ ճառագայթային վթարի դեպքում Շիրակի մարզի բնակչության պաշտպանության պլանի իրատեսությունը ստուգելն ու կառավարման մարմինների, կազմակերպությունների միջև համագործակցությունն ամրապնդելն է:
