Շիրակի մարզպետի աշխատակազմ

 Կոտայքի մարզի Չարենցավան քաղաքում կայացան «ՀՀ վարչապետի գավաթ» սեղանի թենիսի սիրողական մրցաշարի եզրափակիչ փուլի մրցումները, որոնց մասնակցեցին Երևանի և մարզերի 5-9-րդ ու 10-12-րդ դասարանների աշակերտներով համալրված հանրակրթական ուսումնական հաստատությունների թիմերը։
Մրցումներին Շիրակի մարզը ներկայացրեցին միջոցառման մարզային փուլում հաղթող ճանաչված «Ֆոտոն» վարժարանի թիմերը:
10-12-րդ դասարանցիների պայքարում «Ֆոտոն» վարժարանի թիմը ՝ Նարեկ Ղուկասյան, Նարեկ Հովհաննիսյան, Ալիսա Գրիգորյան և Գոհար Բոշիկյան կազմով, գրավեց մրցանակային 3-րդ տեղը։
Մեր թիմի անդամները պարգևատրվեցին ՀՀ կրթության, գիտության, մշակույթի և սպորտի նախարարության կողմից սահմանված գավաթով, հավաստագրերով և մեդալներով։ Որպես դրամական պարգև վարժարանը կստանա 1,5 մլն դրամ, ֆիզկուլտուրայի ուսուցիչ Գնել Սարգսյանը՝ 300 հազար դրամ և աշակերտները 75,000-ական դրամ։