Շիրակի մարզպետի աշխատակազմ

Հայկական բարեգործական ընդհանուր միությունը (ՀԲԸՄ) շարունակում է իրականացնել կրթական, մասնագիտական զարգացման և զբաղվածության խթանման ծրագրեր՝ նպաստելով Հայաստանի քաղաքացիների հմտությունների զարգացմանը, մրցունակության բարձրացմանը և աշխատաշուկայում հաջող ինտեգրմանը։

Այս նպատակով 2026 թվականի հուլիսի 26-ին կանցկացվի «Բաց դռների օր» տեղեկատվական հանդիպումների շարք, որի ընթացքում մասնակիցները հնարավորություն կունենան ծանոթանալու ՀԲԸՄ-ի կողմից իրականացվող հետևյալ ծրագրերին․

«Սովորիր և վաստակիր․ Հայաստան» (LEAP) ծրագիր,
«Կին ձեռներեցություն» ծրագիր,
«Կին ձեռներեցներ» ծրագիր։

Հանդիպումների ժամանակացույց

Արթիկ համայնք — 11:00–12:30
Գյումրի համայնք — 13:30–15:00
Անի համայնք — 16:00–17:30

Ինչի՞ մասին են հանդիպումները

Հանդիպումների ընթացքում մասնակիցներին կներկայացվեն ՀԲԸՄ ծրագրերի նպատակները, ընձեռվող հնարավորությունները և մասնակցության պայմանները։ Կանցկացվեն հարցուպատասխաններ, անհատական խորհրդատվություններ և բաց քննարկումներ, որոնց միջոցով մասնակիցները կկարողանան ստանալ իրենց հետաքրքրող հարցերի պատասխանները և կողմնորոշվել հետագա կրթական կամ մասնագիտական զարգացման ուղղություններում։

Ովքե՞ր կարող են մասնակցել

Միջոցառմանը հրավիրվում են՝

18 տարին լրացած երիտասարդներ և մեծահասակներ, աշխատանք փնտրող անձինք, նոր մասնագիտություն կամ հմտություններ ձեռք բերելու ցանկություն ունեցող քաղաքացիներ, կանայք, ովքեր ցանկանում են զարգացնել իրենց մասնագիտական կարողությունները կամ սկսել ձեռնարկատիրական գործունեություն, ՏՏ և ծրագրավորման ոլորտով հետաքրքրվող անձինք, աշխատանքային շուկա վերադառնալ ցանկացող քաղաքացիներ, ինչպես նաև բոլոր նրանք, ովքեր հետաքրքրված են մասնագիտական զարգացման և զբաղվածության նոր հնարավորություններով։

Լրացուցիչ տեղեկություններ

Հարցերի և լրացուցիչ տեղեկությունների համար կարող եք կապ հաստատել ՀԲԸՄ ներկայացուցիչ Գայանե Պողոսյանի հետ.