Շիրակի մարզպետի աշխատակազմ

  Շիրակի մարզպետ Դավիթ Առուշանյանի մոտ տեղի է ունեցել քաղաքացիների հերթական ընդունելությունը։
 Ընդունելության ընթացքում քաղաքացիները մարզպետին դիմել են հիմնականում սոցիալական աջակցության, աշխատանքի տեղավորման, ինչպես նաև անձնական բնույթի տարբեր հարցերով։
 Ոլորտային պատասխանատուների հետ մարզպետը լսել է յուրաքանչյուր քաղաքացու՝ մանրամասն անդրադառնալով ներկայացված խնդիրներին։
Բարձրացված մի շարք հարցեր տեղում ստացել են համապատասխան լուծումներ և հանձնարարականներ, իսկ լրացուցիչ ուսումնասիրություն պահանջող խնդիրները կքննարկվեն պատասխանատու ստորաբաժանումների հետ՝ դրանց հնարավորինս արդյունավետ լուծում տալու նպատակով։

 Դավիթ Առուշանյանը նշել է, որ քաղաքացիների ընդունելությունները կարևոր հարթակ են բնակիչների խնդիրներին անմիջականորեն ծանոթանալու, դրանք լսելու և հնարավոր լուծումներ գտնելու համար։