Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Աշխատանքային խորհրդակցություն՝ ԿԳՄՍ նախարարի տեղակալի մասնակցությամբ
06.07.2026
Շիրակի մարզպետի աշխատակազմի ենթակայության «Գյումրու թիվ 41 հիմնական դպրոցում» այսօր տեղի է ունեցել աշխատանքային խորհրդակցություն, որին մասնակցել են ԿԳՄՍ նախարարի տեղակալ Արաքսիա Սվաջյանը, Շիրակի մարզպետի տեղակալ Ալբերտ Այվազյանը, նախարարության և մարզպետի աշխատակազմի ոլորտային պատասխանատուներ, մարզային ենթակայության հանրակրթական ուսումնական հատատությունների տնօրեններ և վարչատնտեսական համակարգողներ։
Խորհրդակցության ընթացքում քննարկվել են հանրակրթական ուսումնական հաստատությունների ենթակայության փոփոխության գործընթացին, ԿԳՄՍ նախարարության և մարզպետների աշխատակազմերի գործառույթների ու պատասխանատվությունների տարանջատմանը, ինչպես նաև հետագա համագործակցության և հաղորդակցության արդյունավետ կազմակերպմանն առնչվող հարցեր։
ԿԳՄՍ նախարարի տեղակալ Արաքսիա Սվաջյանը նշել է, որ բարեփոխումների հիմնական նպատակն է ապահովել հանրակրթական դպրոցներում միասնական չափանիշների կիրառումը՝ անկախ դրանց աշխարհագրական դիրքից և աշակերտների թվաքանակից։ Դպրոցները ԿԳՄՍ նախարարության անմիջական ենթակայության ներքո կենտրոնացնելը կնպաստի հանրակրթության ոլորտում միասնական քաղաքականության իրականացմանն ու կրթության որակի հավասար պայմանների ապահովմանը։
Նշենք, որ 2026 թվականի սեպտեմբերի 1-ից մարզային ենթակայության հանրակրթական ուսումնական հաստատությունները կանցնեն ԿԳՄՍ նախարարության ենթակայության ներքո։
