Շիրակի մարզպետի աշխատակազմ

Գյումրի համայնքի «Ջրային մարզաձևերի մանկապատանեկան մարզադպրոցի» լողավազանում այսօր կայացել են «ՀՀ վարչապետի գավաթ» դպրոցականների լողի մրցաշարի ծրագրով նախատեսված Շիրակի մարզի ընտրական փուլի մրցումները։
Մրցաշարն անցկացվել է 2 տարիքային խմբով՝ 4-7-րդ դասարաններ՝ 2014-2017 թվականներին ծնված աշակերտների և 8-12-րդ դասարաններ՝ 2009-2013 թվականներին ծնված աշակերտների միջև: Մարզային մրցաշարում կրտսեր տարիքային խմբի մասնակիցների համար սահմանված է եղել 50 մետր, իսկ ավագ խմբի համար՝ 100 մետր ազատ ոճով մրցատարածությունները:
Մրցումների արդյունքներով կկազմավորվի մարզի հավաքական թիմը՝ յուրաքանչյուր տարիքային խմբի թիմի կազմում 4 տղա և 4 աղջիկ, որը կմասնակցի նոյեմբերի 20-21-ը Կոտայքի մարզի Ծաղկաձոր քաղաքում անցկացվող հանրապետական եզրափակիչ մրցաշարին։ Այստեղ կրտսեր և ավագ տարիքի մասնակիցները համապատասխանաբար կմրցեն 8x50 մետր և 8x100 մետր ազատ ոճով փոխանցումալողերում։