Շիրակի մարզպետի աշխատակազմ

Սիրով շնորհավորում եմ գյուղատնտեսության ոլորտի բոլոր աշխատողներին՝ մասնագիտական օրվա առթիվ։

Շիրակի մարզի համար գյուղատնտեսությունը տնտեսության կարևորագույն ճյուղերից է, հողին կապվածության, աշխատասիրության և սերունդներից փոխանցված ավանդույթների արտահայտությունը։

Գնահատանքի են արժանի բոլոր նրանք, ովքեր մշակում են հողը, հողից հաց քամում և ուրախանում յուրաքանչյուր հասունացած հատիկով՝ իրենց ամենօրյա նվիրումով նպաստելով մարզի զարգացմանն ու երկրի պարենային անվտանգության ապահովմանը։

Գյուղատնտեսության կայուն զարգացման համար կարևոր են ժամանակակից մոտեցումների և նոր տեխնոլոգիաների ներդրումը։ Պետությունը տարբեր ծրագրերի միջոցով աջակցում է գյուղատնտեսներին՝ նպաստելով նրանց աշխատանքի արդյունավետության բարձրացմանն ու ոլորտի զարգացմանը։

Մաղթում եմ քաջառողջություն, բարեկեցություն, բերրի հող, առատ բերք և արգասաբեր աշխատանք։ Թող ձեր ազնիվ աշխատանքի արդյունքը միշտ գնահատված լինի։