Շիրակի մարզպետի աշխատակազմ

Ազգային ժողովրդավարության ինստիտուտը կուսակցական, ոչ կառավարական կազմակերպություն է, որի նպատակն է օժանդակել և ամրապնդել կուսակցությունների կարողություններն ու տեխնիկական աջակցություն տրամադրել խորհրդարանական խմբակցություններին, պատգամավորներին, քաղաքացիական հասարակությանը, կանանց և երիտասարդներին։ 1983 թվականին իր հիմնադրումից ի վեր՝ ԱԺԻ-ն համագործակցել է 156 երկրների և տարածաշրջանների գործընկերների հետ՝ համախմբելով անձանց և խմբերի՝ փոխանցելու նրանց հմտություններ, գաղափարներ, գիտելիք և փորձառություն:
ԱՄՆ Միջազգային զարգացման գործակալության (USAID) կողմից ֆինանսավորվող ծրագրի շրջանակներում Ազգային ժողովրդավարության ինստիտուտի (NDI) հայաստանյան գրասենյակը հայտարարում է «Կատարինե» կանանց քաղաքական առաջնորդության ծրագրի նոր ընդունելություն: Արդեն իսկ գրեթե 100 ակտիվ կատարինեներ գրանցել են բազմաթիվ հաջողություններ` ընտրվելով որպես ավագանու անդամներ, հիմնելով հասարակական կազմակերպություններ, դրական փոփոխություններ բերելով իրենց համայնքներում, և ոգևորված նրանց հաջողություններով` NDI-ը շարունակում է հզորանալու հնարավորություն տալ այլ ակտիվ և նախաձեռնող կանանց` հայտարարելով ընդունելություն 2023 թ. դիմորդների համար:
«Կատարինե» ծրագրի նպատակն է բացահայտել Երևանի և Հայաստանի տարբեր մարզերի առաջնորդ կանանց՝ առանց տարիքային սահմանափակման, և կարողությունների զարգացման ու կապերի հաստատման շնորհիվ նպաստել նրանց առաջնորդությանը՝ հատկապես քաղաքական առաջնորդության բարեհաջող ընթացքին։ Ծրագիրն անվճար է, և ընտրվելու դեպքում NDI-ը կհոգա մասնակիցների՝ ծրագրին առնչվող բոլոր ծախսերը:

Ծրագրի մասին առավել մանրամասն կարող եք տեղեկանալ ֆեսյբուքյան էջից՝ https://www.facebook.com/KatarineArm։
Դիմումների ներկայացման վերջնաժամկետն է 21 նոյեմբերի 2022թ.: Ծրագրին կարող են դիմել հետևյալ հղումով՝ https://forms.gle/uChxeyeJYEucG8xSA
 

#ԿԱՏԱՐԻՆԵ2023 #KATARINE2023 #KATARINE #ԿԱՏԱՐԻՆԵ #NDI #NDIArmenia #USAID #USAIDArmenia